04EM/01.25.01-69 Nunaqarfinni aqutsisunut ilaasortanik minnerpaamik marlunnik illut sulliviit siulersuisuini qinigaasoqarsimanissaa... (Jakob Sivertsen, Atassut)

8. juli 2004 UKA 2004/69

Inatsisartut suleriaasianni § 32 naapertorlugu matumuuna aalajangiiffigisassatut siunnersuummik imaattumik saqqummiussivunga:

Nunaqarfinni aqutsisunut ilaasortanik minnerpaamik marlunnik illut sulliviit siulersuisuini qinigaasoqarsimanissaa qulakkeerniarlugu Inatsisartut inatsisaanni nr. 9-mi, 16. november 1984- imeersumi nunaqarfinni illut sulliviit (servicehuse) pillugit inatsimmi § 5-ip allanngortinneqarnissaanik Naalakkersuisut peqquneqarnissaannik Inatsisartut aalajangiiffigisassaattut siunnersuut.

(Inatsisartunut ilaasortaq, Jakob Sivertsen, Atassut)

<

Tunngavilersuut:

Kommunalbestyrelsimut qinersisarnerup, tassa Kommuneqarfiup ataatsimut qinersivinngorneratigut Nunaqarfiit ilaat Kommunalbestyrelsimut ilaasortaatitaqarunnaartut arlaqarput, tamannalu peqqutigalugu nunaqarfinni illut sulliviit siulersuisuini Kommunalbestyrelsimit ilaasortat sinniisuutitaqartussaanerannik inatsimmi piumasaqaataasoq Nunaqarfinni Kommunalbestyrelsimut ilaasortaatitaqanngitsunik piviusunngortinneqarsinnaajunnaarsimavoq.

Taamaammat isumaqarpunga inatsit ullutsinni pisutsinut naleqqussartariaqalersoq, imatut allanngortillugu:

§ 5.  Kommunalbestyrelse siulersuisunik pilersitsissaaq illumik sulliviusartumik ingerlatsinermik nakkutiginnittussamik.

  Siulersuisuni Nunaqarfinni aqutsisoq Kommunalbestyrelse illu sullivimmillu atuisut sinniisuutitaqassapput.

  Nunaqarfiit Kommunalbestyrelsimut ilaasortaatitaqanngitsut illu sullivimmi Nunaqarfinni aqutsisunik marlunnik siulersuisuni sinniisuutitaqassapput.

Taamatut allanngortitsinikkut piffinni illut sulliviit qinikkanik sinniisuutitaat nukittorsarneqarlunilu qulakkeerneqassaaq.

Taamatut tunngavilersuuteqarlunga siunnersuut Inatsisartunit ilassilluarneqarluni oqaluuserisassanngortippar