04EM/01.25.01-125 Nuussuup umimmannik nuussivigineqarsinnaanerata qaqugu pisinnaaneranik apeqqut (Ole Dorph, Siumut)
12. juli 2004 UKA 2004/125
Inatsisartut suleriaasianni § 36, imm. 2 naapertorlugu Naalakkersuisunut apeqqut imaattoq matumuuna saqqummiuppara.
Naalakkersuisunut apeqqut: Nuussuup umimmannik nuussivigineqarsinnaanera qaqugu pisinnaaneranik Naalakkersuisunut apeqqut?
(Inatsisartunut ilaasortaq Ole Dorph, Siumut)
Tunngavilersuut:
Ukiorpaaluit ingerlaneranni Ilulissat kommuneata, Namminersornerullutik Oqartussat Pinngortitaleriffiullu akornanni Nuussuup umimmannik nuussivigineqarsinnaanera pillugu oqallinnerit ingerlanneqarsimapput ulloq manna tikillugu suli kinguneqarsimanngitsut.
Inatsisartut ukiakkut 2003-mi ataatsimiinneranni Inatsisartuni ilaasortaq Isak Davidsen, Siumut, Inatsisartunut suliakkiissuteqarpoq Siggummi qanga umimmaat nuunneqarsimasut killilimmik piniarneqalersinnaanerannik tunngassuteqartumik.
Tassunga uiggiullugu Naalakkersuisunut apeqqutigivara Nuussuup umimmaliiffigineqarsinnaaneranut apeqqut tunngassuteqartoq, taamanikkut akineqanngitsoq.
Nalunngilara umimmaliisoqassatillugu nunamik mississuinerit ingerlanneqaqqaartartut. Nuussuullu umimmannik nuussivigineqarnissaa siunissaq ungasinnerusoq eqqarsaatigalugu aningaasaliinerusussasoq tamatta eqqoriarsinnaagunarparput, tamannami piffinni allani takuneqartareermat.
Tamannamita qaqugu pisinnaava, Naalakkersuisoq?