04EM/01.25.01-131 Issittup uumasuisa kujasinnerusumi uumasuusivissuarni assigiinngitsuniitsut atugarisaasa (Georg Olsen, Inuit Ataqatigiit)

12. august 2004       UKA 2004/131

Inatsisartut Suleriaasianni § 36, imm. 2 naapertorlugu Naalakkersuisunut apeqqut imaattoq matumuuna saqqummiuppara.

Naalakkersuisunut apeqqut: Issittup uumasuisa kujasinnerusumi uumasuusivissuarni assigiinngitsuniitsut atugarisaasa akuersaarnarnerusunngortinneqarnissaat qulakkeerniarlugu Naalakkersuisut qanoq pilersaaruteqarpat?

(Inatsisartunut ilaasortaq Georg Olsen, Inuit Ataqatigiit)

Tunngavilersuut:

Nunarsuarmi nunani tamalaanni uumasuussiveqarfissuarni angalaaraanni takuneqarsinnaasarpoq issittumi uumasut assigiinngitsorpassuit kiassuup ataani naallioqalutik uumasuutigineqarlutik takornarissanut takoqqusaarutigineqarnermikkut aningaasarsiutigineqartut. Tamaattut takullugit issittumi inuulluni annernartorujussuusarpoq qanorlu iliuuseqarusunnartarluni. Ukiuni kingullerni annertuumik piniakkavut assigiinngitsut tamakkiusavillugit pillugit suliniaqatigiiffipparujussuit kiisalu nunat assigiinngitsorpassuit malersugariuartarpaativut, anertuumik isornartorsiorneqaatigisartakkatsinnik.

Taamaattumik isumaqarpunga Kalaallit Nunaata uumasut issittumiittut nunani tamalaani uumasuutigineqartarnerannut misissuisitsissasoq, issittumi uumasut nunani kiappallaarujussuartuniitinneqarunnaarnissaat anguniarlugu. Issittumi uumasuussoq sunaagaluarpalluunniit illersorneqarnissaa anguniarlugu, pingaartumillu ¿nannut¿ kiappallaamiisinneqartarnerat taamaatilluinnarnisaat anguniarlugu. Ukiorpassuarni Issittormiut piniakkaminnut qanimut attaveqarluinnarlutik ataqqinnissuseqarlutillu inuuniuteqartuunerat nunarsuarmioqatigiinnut oqariartuutigisariaqarparput.

Tamakku pillugit Naalakkersuisut qanoq iliuuseqarniarpat? Imaluunniit tamanna qanoq illersorneqarsinnaava? 

&nbs