04EM/01.25.01-140 Angutaasernikkut pinerluffigitissimasut ikiorserneqarnissaasa illersorneqarnissaasalu... (Aassut-ip Inatsisartuni ilaasortaatitai: AS, EC, JB, FK og JS)
13. august 2004 UKA 2004/140
Inatsisartut suleriaasianni § 36, imm. 2 naapertorlugu Naalakkersuisunut apeqqut imaattoq matumuuna saqqummiupparput.
Naalakkersuisunut apeqqut: Angutaasernikkut pinerluffigitissimasut ikiorserneqarnissaasa illersorneqarnissaasalu periarfissarissaarnerulernissaa Naalakkersuisut sunik pilersaaruteqarfigaat?
(Aassut-ip Inatsisartuni ilaasortaatitai: Augusta Salling, Ellen Christoffersen, Jensine Berthelsen, Finn Karlsen aamma Jakob Sivertsen)
Tunngavilersuut:
Eqqartuussiveqarneq pillugu ataatsimiititaliarsuup ukiut qulit sulereerluni suliani annertooq Naalakkersuisunut tunniuteqqammerpaa.
Ataatsimiititaliarsuarmit innersuussutigineqartut oqaluuseralugillu suliarineqarnissaat Atassut-mit utaqqissussinnaagaluarlutigit, taamaattoq piffissami matumani pinngitsoorusunngilagut Naalakkersuisut aperissallugit annersagaallutik aamma/imaluunniit pinngitsaalineqarlutik pinerluffigitissimasut aammalu toqutsisoqarsimatillugu qimagaasimasut ikiorserneqartarnerisa pitsaassusaata annertusarneqarnissaa pillugu Naalakkersuisut qanoq pilersaaruteqarnersut apeqqutigissallugu, matumani pivagut annersagaasimasut, pinngitsaalillugit kinguaassiutitigut atoqatigineqarsimasut, meeqqat kinguaassiutitigut atornerlunneqarsimasut aammalu toqutsisoqarsimatillugu qimagaasimasut ikiorserneqartarnerat.
Matumanissaaq ujartorparput pinerluffigitissimasut pinerliisiminnit illersorneqarnissaat annertusarniarlugu Naalakkersuisut qanoq pilersaaruteqarnersut, matumani pivarput qanoq iliorluni qulakkeerniarneqarsinnaanersoq pinerluffigitissimasut qimagaasimasullu ¿pinngitsaalillugit¿ pinerliisertik nunaqqatigalugu ulluinnarni naapittagarinnginnissaanut qulakkeerinninniartoqassanersoq.
Taamatut apeqquteqaateqarnitsinni pissutigaarput piffissami matumani sakkortuumik pinerluuteqarsimanermik kingunerisaanik matoqqasumi paarnaarusimaneqartut pisinnaatitaaffiisa oqallisigineqarneratut pinerluffigitissimasut pisinnaatitaaffiisa oqallisigineqarnissaat pisariaqartigimmat.
Ullormut oqaluuserisassat kiisalu ullut suliarineqarfissaat