Samling
Direktoratet for Fiskeri, Fangst og Bygder
Den 4. maj 2002 Ad dagsordenens punkt ____
J. nr.: 64.00.01
Oplæg til landsstyret
Vedrørende:
Forelæggelsesnotat til ændring af forslag til Landstingslov om ændring af Landstingslov om fiskeri.
samt
Svarnotat til betænkning afgivet af Landstingets Fiskeri-, Fangst- og Landbrugsudvalg.
./. Vedlagt er følgende:
Udkast til forelæggelsesnotat vedrørende ændringsforslag til ændring af Landstingslov om fiskeri, svarnotat til betænkning afgivet af Landstingets Fiskeri-, Fangst- og Landbrugsudvalg samt supplerende bemærkninger foranlediget af betænkningen, alt i grønlandsk og dansk version.
Indstilling
Det indstilles, at. forelæggelsesnotat til ændring af forslag til Landstingslov om ændring af Landstingslov om fiskeri og svarnotat vedrørende betænkning afgivet af Landstingets Fiskeri-, Fangst- og Landbrugsudvalg godkendes ved en formandsbeslutning.
Hans Enoksen
/
Amalie Jessen
4. maj 2002 UPA 2002/16
Inatsisartut aalisarneq pillugu inatsisaannut allannguutissatut Inatsisartut inatsisissaattut nr. XX XX.XX. 2002-imeersumut siunnersuut
(Aalisarnermut, Piniarnermut Nunaqarfinnullu Pisortaqarfik)
Inatsisartut aalisarneq pillugu inatsisaannut allannguutissatut Inatsisartut inatsisissaattut siunnersuut pillugu saqqummiineq
aammalu
Aalisarnermut, Piniarnermut Nunalerinermullu Ataatsimiititaliap isumaliutissiissutaanut akissuteqaat.
Aappassaaneernera.
Inatsisartut aalisarneq pillugu inatsisaannut allannguutissatut Inatsisartut inatsisissaattut siunnersuut Naalakkersuisut sinnerlugit saqqummiutissavara.
Siunnersuutip siullermeerneqarnerani kalaallisuuata kukkuneqarneranik allannguutissatut siunnersuuteqarneq pissuteqarpoq. Kukkunerit taakku iluarsinialuarlugit inatsisissatut siunnersuutip misissornerani oqaatsit atorneqartut ilai iluarsineqarput. Inatsisissatut siunnersuutip 12. april 2002-mik ullulerneqarsimasup qallunaatuua allanngortinneqanngilaq.
Akissuteqaat
Inatsisartut Aalisarnermut, Piniarnermut Nunalerinermullu Ataatsimiititaliaata isumaliutissiissutaa Naalakkersuisut tiguvaat, taannalu ataatsimiititaliap sukumiisumik sulereernerata kingorna saqqummiunneqarpoq, tamassuma ataani uanga naalakkersuisoqarfinnut apeqquteqartoqarsimalluni.
Aalisarneq pillugu inatsisip § 5 imm. 3-anut allannguut pillugu, ataatsimiititaliap apeqqutaanut akissuteqarnera tunngavigalugu ataatsimiititaliap isumaqataanera Naalakkersuisut iluarisimaarlugu malugaat.
Aalisarneq pillugu inatsimmi § 10a-mut allannguut pillugu Naalakkersuisut aamma iluarisimaarlugu malugaat ataatsimiititaliaq isumaqartoq ilaatigut kapisilinniarnermik toqqissisimanartumik aaqqiisarnissanik aalajangersakkap Naalakkersuisut periarfissaqartilissagaat.
Aalisarneq pillugu inatsimmi § 22a-mut allannguut eqqarsaatigalugu Naalakkersuisut malugaat siunnersuutip tamakkiisumik siunertaa ataatsimiititaliap isumaqatigigaa.
Kisiannili ataatsimiititaliaq isumaqarpoq siunnersuut ajornartorsiutinik tunngaviusunik pilersitsisoq, tamannalu tunngavigalugu uannut apeqquteqarnikuulluni.
Akissutikka ataatsimiititaliap tusaatissatut tiguai, kisiannili isumaqarluni tunisassiorfiit pioreersut matuneqarneranni namminersortut tigusisinnaanerisa pinngitsoortissinnaanerannut aalajangersakkap atorneqannginnissaata qulakkeernissaa pingaaruteqartoq.
Ataatsimiititaliaq aammataaq isumaqarpoq nunami tunisassiorfinnik pilersitsiniarnermi imaluunniit tunisassiorfiit allanngortinniarneranni suliamut tunngassuteqartut tusarniaavigineqartarnissaat pingaaruteqartoq. Ataatsimiititaliap tikkuarpaa tassani minnerunngitsumik nunap immikkoortuani kommunit, sulisartut sulisitsisullu kattuffii aammalu Unammilleqatigiinnermut Siunnersuisoqatigiit tusarniaavigineqartassasut.
Tamanna tunngavigalugu ataatsimiititaliap Naalakkersuisut kajumissaarpai allannguutissatut siunnersuummik saqqummeeqqullugit.
Soorlu siunnersuutip siullermeerneqarnerani saqqummiininni oqaatigigiga, aalisarnerup, tunitsivinnik periarfissat aammalu sulisoqarniarnerup ataqatigiissarnerisigut aalisarneq pillugu politikkip imminut ataqatigiissumik ingerlannissaata qulakkeerneqarnissaa aalajangersakkami siunertarineqarpoq, taamaalilluni inuussutissarsiornermi atugassat pitsaanerpaanissaat siunertarineqarluni.
Tunisassiorfinnik matuneqartunik namminersortut tigusisinnaanissaasa pinngitsoortinnissaat imaluunniit unammilleqatigiissinnaanerup allatigut killilersimaarneqarnissaa siunertarineqanngilaq.
Naalakkersuisut ataatsimiititaliatulli isumaqarput tunisassiorfinnik pilersitsiniarnermi imaluunniit allanngortiteriniarnermi akuersissuteqarnissamut atatillugu suliamut attuumassuteqartut tusarniaavigineqartarnissaat pingaaruteqartoq.
Aalangersakkap siunertaata imaluunniit kikkut tusarniaavigineqartassanersut inatsimmut allassimanissaat Naalakkersuisut pissusissamisoortutut isiginngilaat, tamassumunngalu taarsiullugu siunnersuutigalugu siunertap aammalu tusarniaavigineqarsinnaasut siunnersuummut oqaaseqaatinut ilanngunneqarnissaat, soorlu tamanna oqaaseqaatinut ilanngussani takuneqarsinnaasoq.
Naggataatigut oqaatigineqassaaq siunnersuummi § 22a imm. 2 malillugu tunitsivinnik tunisassiorfinnillu nutaanik pilersitsiniarnerit aammalu pioreersunik allannguiniarnerit pillugit annertunerusumik malittarisassiornissamut pisinnaatitsisoqartussaasoq. Tamanna nalunaarusiornikkut Naalakkersuisut piviusunngortinniarpaat, taannalu tassaavoq assersuutigalugu tusarniaavigineqartartussanik annertunerusumik aalajangersaaviusinnaasoq.
Aalisarneq pillugu inatsisip § 32-anut allannguut eqqarsaatigalugu aamma Naalakkersuisut iluarisimaarlugu malugaat pisortaqarfiup Aalisarnermut Siunnersuisoqatigiinnut ilaasortaajunnaarnissaa ataatsimiititaliap isumaqatigigaa.
Kisiannili § 32 imm. 3-mi allassimasoq Aalisarnermut Siunnersuisoqatigiit ataatsimut Naalakkersuisunit tusarniaavigineqarsinnaanerisa saniatigut ilaasortat ataasiakkaarlugit tusarniaavigineqartarsinnaaneri pillugu ataatsimiititaliaq oqaaseqaateqarpoq. Ataatsimiititaliap pingaartippaa Aalisarnermut Siunnersuisoqatigiit tamarmik tusarniaavigineqartarnissaat imaalinagulu ilaasortat ataasiakkaaginnaat tusarniaavigineqarlutik allallu tusarniaavigineqaratik.
Tamanna tunngavigalugu allannguutissatut siunnersuummik saqqummiinissamik ataatsimiititaliap Naalakkersuisut kajumissaarpai.
Inatsisissatut siunnersuummut oqaaseqaatini allassimavoq imm. 3-mi siunnersuutigineqartoq Aalisarnermut Siunnersuisoqatigiinnut tusarniaaneq ilaasortanut ataasiakkaanut tusarniaanikkut aamma pisinnaasoq. Aalisarnermut Siunnersuisoqatigiinni ilaasortat ataasiakkaat tusarniaavigineqartarnissaat allallu tusarniaaviginagit Naalakkersuisut siunnertarinngilaat, kisiannili pisuni ataasiakkaani ilaasortat tamaasa ataasiakkaarlugit allakkatigut imaluunniit oqarasuaat atorlugu tusarniaavigineqarsinnaaneri uani pineqarpoq.
Nalornissuteqartoqarsinnaanera pinngitsoorniarlugu tamanna siunnersuummut oqaaseqaatinut ilanngunneqarpoq, soorlu oqaaseqaatinut ilassutini saqqummiunneqartuni takuneqarsinnaasoq.
Tamassuma kinguneranik inatsisissamut siunnersuummut allannguutissanik siunnersuutinik saqqummiisoqarnissaa Naalakkersuisut pisariaqartutut isiginngilaat.
Taamatut oqaaseqarlunga siunnersuutip aappassaaneerneqarnissaa Inatsisartunut suliassanngortippara.