03EM/01.25.01-105 Ilaqutariit piniartukkormiut atugaat pillugit apeqquteqaat aallaavigalugu oqallinnissamik siunnersuut. (Inatsisartuni ilaasortaq Jens Napaattoq, Siumut)

15. august 2003                                                                           EM 2003/105

I medfør af § 35 i Landstingets Forretningsorden fremsætter jeg følgende forslag til forespørgselsdebat:

Forslag til forespørgselsdebat om forbedring af fangerfamiliernes forhold.

(Landstingsmedlem Jens Napaatoq, Siumut)

Baggrunden for forslaget er de meget foranderlige priser på sælskind, som fra år til år er en stor psykologisk belastning for fangerfamilierne, som sjældent ved, hvad det næste år bringer.

Ny lovgivning forstyrrer fangerfamiliernes vilkår, fordi EU's lovgivning er, som den er og det til trods for, at Grønland ikke er medlem af EU. Desuden bliver fangerne ramt uforskyldt, fordi man indfører fredningsbestemmelser udenom dem.

Jeg kunne fremdrage flere eksempler på, hvordan fangernes vilkår i de seneste år er blevet ringere, men jeg er af den opfattelse, at Landstinget så småt må begynde at diskutere, hvorvidt fangernes forhold skal forblive som de er i dag, eller om de skal forbedres.

Vi kan nemlig ikke lukke øjnene for, at lovgivningen fra år til år skaber utrygge forhold for fangerfamilierne.

15. august 2003    UKA 2003/105

Inatsisartut Suleriaasianni § 35 naapertorlugu apeqquteqaat aallaavigalugu oqallinnissamik siunnersuut imaattoq matumuuna saqqummiuppara:

Ilaqutariit piniartukkormiut atugaat pillugit apeqquteqaat aallaavigalugu oqallinnissamik siunnersuut.

(Inatsisartuni ilaasortaq Jens Napaattoq, Siumut)

Taamatut siunnersuuteqarninnik toqqammavigaara puisit amiisa nikerarnerujussuat ukiumiit ukiumut pisartoq piniartukkormiunut ilaqutariinnut annertuumik tarnikkut nalorninermik aallaveqartumik innarleerujussuartarmat ukiumut tulliuttumik atugarisassat ilisimannginneri peqqutigalugit.

Piniartukkormiut atugarisaat inatsisiliornikkut innarlerneqartarput ukiuni qaangiuttuni EU-p inatsisai peqqutaallutik naak nunarput EU-mut ilaasortaanngikkaluartoq. Tamatumalu saniatigut piniartut nammineq pisuunngikkaluarlutik piniakkanik eqqissisimatitsinermut inatsisit annertuumik piniartukkormiunik ukiuni kingullerni innarliisarput.

Piniartukkormiut atugaasa ukiuni kingullerni allanik ajorsiartornerat toqqammavilersoqqissinnaagaluarlugu isumaqarpunga inatsisartut maannangaaq oqaluuserisariaqaraat piniartukkormiut ilaqutariit atugaat taamatut ingerlaannassanersut imaluunniit pitsanngorsarneqassanersut.

Isiginngitsuusaaginnarsinnaanngilarpummi inatsiliornikkut ukiumiit ukiumut piniartukkormiut toqqissisimanatik inuunerat.