04EM/01.25.01-35 Inuussutissarsiummik Ingerlataqartunik Nalunaarsuiffik allanngortinneqarnera pillugu Inatsisartut inatsisaat nr. xx, yy zzzz 2004-meersoq - siunnersuut

4. november 2004                                                                                                                                                                                                                                          UKA 2004 / 35

Iluarsiissutit

(siusinnerusukkut siunnersuutip 16. septmber-imik ullulerneqarsimasup taartaa)

(Teknikkikkut allannguinerit minnerit pineqarput)

Inuussutissarsiummik Ingerlataqartunik Nalunaarsuiffik pillugu Inatsisartut inatsisaata  allanngortinneqarnera pillugu Inatsisartut inatsissaatut nr. xx, yy zzzz 2004-meersoq - siunnersuut

(Inuussutissarsiummik Ingerlataqartunik Nalunaarsuiffiup Naatsorsueqqissaartarfimmit Inuussutissarsiornermut, Nunalerinermut Suliffeqarnermullu Naalakkersuisoqarfimmut nuunneqarnera)

§ 1.

Inuussutissarsiummik Ingerlataqartunik Nalunaarsuiffik pillugu Inatsisartut inatsisaat nr. 10, 29.oktober 1999-imeersumi imatut allanngortitsisoqassaaq:

1.      § 1-imi, oqaaseqatigiit aappaat ima oqaasertalerneqassaaq: ” Inatsisartut inatsisaanni aalajangersakkat malillugit Naalakkersuisut Inuussutissarsiummik Ingerlataqartunik Nalunaarsuiffimmik ingerlatsisuussapput,.”.

2.                   § 5, imm. 2 ima oqaasertalerneqassaaq: ”Imm. 2. Naalakkersuisut imm. 1-imi normunik taaneqartunik tunniussisassapput.”

3.                   § 7, imm. 1-imi oqaaseqatigiit aappaat imatut oqaasertalerneqassapput: ”Aqutsisoqatigiinnut ilaasortaassapput Naatsorsueqqissaartarfiup sinniisaa ataaseq, Inuussutissarsiornermut, Nunalerinermut Suliffeqarnermullu Naalakkersuisoqarfiup sinniisaa ataaseq, ilaasortaq ataaseq Naalakkersuisut toqqagaat aamma ilaasortaq ataaseq Inuussutissarsiornermut Siunnersuisoqatigiit inassuteqarneratigut toqqarneqartoq.”

4.                   § 9-mi ”Naatsorsueqqissaartarfik” imaalillugu allanngortinneqassaaq ”Naalakkersuisut”.

5.                   § 10, imm. 1-imi ”Naatsorsueqqissaartarfik” imaalillugu allanngortinneqassaaq ”Naalakkersuisut”.

6.                   § 11-mi ”Naatsorsueqqissaartarfik” imaalillugu allanngortinneqassaaq ”Naalakkersuisut”.

§ 2.

Inatsisartut inatsisaat ulloq 1. januar 2005-imi atuutilissaaq.

Namminersornerullutik Oqartussat, ulloq xx.xx. 200x

Hans Enoksen / Johan Lund Olsen