04EM/01.25.01-133 Kalaallit Nunaannut nuunnermi danskit soraarnerussutisiaasa isumaginninnikkullu allatigut pisartakkat... (Aqqaluk Lynge, Inuit Ataqatigiit)

12. august 2004       UKA 2004/133

Inatsisartut Suleriaasianni § 36, imm. 2 naapertorlugu Naalakkersuisunut  apeqqut imaattoq matumuuna saqqummiuppara.

Kalaallit Nunaannut nuunnermi danskit soraarnerussutisiaasa isumaginninnikkullu allatigut pisartakkat nuunneqartarnerat pillugu Naalakkersuisunut apeqqut.

(Inatsisartunut ilaasortaq Aqqaluk Lynge, Inuit Ataqatigiit)

Tunngavilersuut:

Soorlu amerlanernit ilisimaneqartoq Kalaallit Nunaanni 1975-imi inunnik isumaginninnerq pillugu tungaviusunik nutaanik inatsisiliortoqarpoq maleruagassallu tamakku tamarmik Nam-minersornerulluni Oqartussaanerup peqqunneqaratiigut oqartussaaffigineqalerlutik isumaginninnerup saniatigut aamma sulisoqarnermut apeqqutit aamma tamnakkerlugit Nunatsinnit akisussaaffigineqalerlutik. Tamatuma kingunerisaanik Kalaallit Nunaanni pisortat immikkut utoqqalinersiat aammalu inunnik isumaginninnermi aningaasanik pisartagaqartitsinermi Naalagaaffeqatiginnerup iluani immikkut iliuuseqarsinnaanngorluni. Tamatuma kingunerisaanik Danmarkimi oorit tunniunneqartartuni appasinnerungaatsisartumik pisartagaqartitsisinnaaneq eqqunneqarpoq taakkulu immikkut Danmarkimi pisortanit isumaqatigiissutigineqarsimapput kiisalu aamma Nunani Avannarlerni isumaqatigiissutaasunit allaanerusumik nunatta iliuuseqarsinnaanera akuerisaalluni. Aaamattaaq taamaappoq Kalaallit Nunaata EU-mut ilaasortaannginnerata kingunerisaaneq aaqqissuussineq.

Taamaakkaluartoq Danmarkimi inatsit 2001-imi atuutilersoq malillugu suliunnaarnernermi oorit pisartagarineqartartut pensioneqalernissap tungaanut atuuttut pillugit inatsit pisinnaatitsilerpoq pisartagaqartut nunatsinnut nuussagunik taakku oorit pisartakkatik pigiinnarsinnaassallugit.

Soorlu ilanngussami takuneqarsinnaasoq Danmarkimi najugallit utoqqalinersiallit nunatsinnut nuunnerminni oorit pisartagaanik piaaffigineqassapput. Taamaattumi Naalakkersuisut aperiniarpakka una pisaq qanoq iliuuseqarfiginiarneraat imaluunniit maleriuagassanik atortitsinermi eqaannerusumik iliuuseqartoqarsinnaannginnersoq?

Tassunga ilanngullugu aperiniarpunga Naalakkersuisut pilersaaruteqarnersut immikkut qanoq iliuusissanik misissuiumallutik inuuniarnikkut ajornartorsiuteqarnermi nunatsinniit Danmarkimut nuuttartut pillugit, tassa ikiortariallit Danmarkimut nuuttarmata aningaasatigut pitsaanerusumik atugassaqarnertik allatigullu ikliorserneqarsinnaanertik peqqutigalugi